Bajet 2027: RM2.62 bilion bantu ungkup raban orang bumai

KUALA LUMPUR, 9 Okt : Perintah nyendiaka bantu sepenyampau RM2.62 bilion ngagai raban orang bumai nengah Bajet 2027, mungkur bemacham subsidi enggau insentif dikena nyungkak pemansut padi sereta ngintu pengelantang raban nya.

Menteri Besai Datuk Seri Anwar Ibrahim madah bantu nya betuju awakka raban orang bumai ulih ngasaika pemaik manggai RM4,300 ungkup genap hektar umai paya, nyengkaum subsidi benih, baja, rachun, upah ngali tanah enggau rega padi.

Iya mega madah perintah setuju nikika tikas insentif ngetau padi ari RM50 ngagai RM100  sehektar semusin, ditangkan tikas insentif ngali tanah ditiki ari RM300  deka ditanka enggau dikerembai ungkup orang bumai di Sabah enggau Sarawak.

“Dikena nyuman enggau ngamika baru tanah padi paya, RM20 juta disediaka dikena mekalka baja foliar ba lebih 10,000 hektar tanah paya.

“Projek Nanam Padi Lima Musin Dalam Dua Taun beguna amat dikena nyamin bekal beras menua enggau ngemanah sistem entali ai ba 15 blok umai paya ke benung bejalai nitihka taga, kelimpah ngaduka projek Tekat Pedu di Kedah dipelaba tembu ujung taun 2027,” ku iya maya mantaika Bajet 2027 di Diwan Rayat lemai tu tadi.