Pagi tu 17 sitak ngerikod IPU enda beresi

KUALA LUMPUR, 21 Sept : Bisi 17 sitak ngerikodka bacha Indeks Pengamah Angin (IPU) enda beresi naka pukul 9 pagi tu, ku portal Sistem Penyangga  Indeks Pengamah Angin Malaysia (APIMS).

Bacha pemadu tinggi dirikodka ba stesyen pematau  di Kapit enggau Indu Opis Polis Pelilih (IPD) Serian, Sarawak ke bela ngerikodka bacha 167 kelimpah bela ngerikodka IPU enda beresi iya nya Sri Aman (161) enggau Bintulu (159).

Sitak bukai ba Sarawak ke bela ngerikod bacha enda beresi iya nya Miri enggau Samarahan ba bacjaaan 157, Sibu (156), ILP Miri (139) serta Limbang (102).

Kelimpah ari nya, Putrajaya enggau Nilai, Negeri Sembilan bela ngerikodka bacha  157 ditangkan Seremban (154), Politeknik Kota Kinabalu, Sabah (153), Bukit Rambai, Melaka (151) enggau Shah Alam, Selangor (149).

IPU enda beresi bela dirikodka ba Tangkak, Johor nengah bacha  107 ditangkan Kota Kinabalu, Sabah ngerikodka bacha 104.

Udah nya, bisi 41 sitak ngerikodka bacha ba tikas jelan ditangkan enam agi sitak bukai ngerikodka bacha ti manah.

Bacha IPU sifar nyentuk 50 mandangka kualiti angin beresi, 51 enggau  100 (jelan), 101 nyentuk 200 (enda beresi) ,  201 hingga 300 (chukup enda beresi) lalu 301 ke atas (ulih nganu nyawa).