Empat sitak ba Sarawak agi ngerikod IPU enda beresi

KUALA LUMPUR, 25 Sept : Bisi empat sitak di Sarawak ngerikod bacha Indeks Pengamah Angin (IPU) ba tikas enda beresi naka pukul 9 pagi tu tadi, lalu Indu Opis Pelilih (IPD) Serian ngerikodka bacha pemadu tinggu, iya nya 178.

Nampung portal Sistem Penyangga Indeks Pengamah Angun Malaysia (APIMS), sitak bukai ba nengeri tu ke ngerikod bacha enda beresi iya nya Kuching (166), Samarahan (165) enggau Sri Aman (163).

Udah nya, 61 sitak ba selampur menua ngerikodka bacha jelan baka ba Batu Muda, Kuala Lumpur (73); Kota Kinabalu, Sabah (63); Balik Pulau, Pulau Pinang (55); enggau Kangar, Perlis (52), ditangkan tiga agi sitak ngerikodka bacha ti manah.

Bacha IPU kosong sampai 50 mai reti kualiti angin manah, 51 nyentuk 100 sederhana, 101 sampai 200 enda beresi, 201 sampai 300 kelalu enda beresi enggau IPU ngelui 300 tu dikumbai tikas ke ulih ngeruga pengerai.