Kelaung Jalai Tun Salahuddin betukar berengkah 28 September tu

KUCHING, 25 Sept: Penguna jalai raya ba Jalai Tun Datuk Patinggi Abang Haji Muhammad Salahuddin dilalau ngambika meri perati ngagai pengawa nukar jalai ngelaung ke deka berengkah 28 September tu.

Nitihka penerang Kaunsil Pemansang enggau Pengintu Tanah (LCDA), pengawa nukar arung endur ngelaung tu berengkah ari 28 September tu nyentuk 21 Januari 2027 dikena meri ruang ngagai pengawa bukai ba endur nya.

Timpuh kontrak projek tu iya nya ari 15 Julai 2024 nyentuk 21 Januari 2027.

Berebak enggau nya, penguna jalai raya dipinta bejimat deriba sereta ngasika semua peminta atur trafik sepanjai timpuh projek dikena nyamin pengelikun semua penguna jalai raya.

Penguna mega dilalau merambu pejalai lebih tumu enti nyema deka nengah jalai nya dikena nyeliahka sebarang penanggul.

Raban kontraktor semampai ngemaruka sebarang penerang pemadu baru bekaul enggau projek nya.

Sebarang langgur tauka tanya silik bekaul rintai trafik ulih dikenatai ngagai LCDA nengah tali arus 082-235944 tauka portal besai LCDA. -TVS